يتحدث نزار هنا عن السكون أو علامة السكوت و كيفية فهمها و استخدامها في العزف على الطبلة.

نزار الحمود:

"مرحبا، أنا نزار من إعزف دوت كوم، واليوم في درسنا رقم تسعة عشر.

رح نحكي شوي عن نوتت ال إس أو السكتة، هلأ إحنا في الدروس الماضية حكينا إنه في عندي مثلاً في نوتت إيقاع الزار مثلاً كان عندي الدُم إس دُم تك عرفنا كيف تنعزف (يعزف الاستاذ نزار التمرين) وهكذا وحكينا عن النوتات إنه عندي المستديرة زمنها أربعة الذات السن زمنها نص السوداء زمنها واحد وهكذا.

هلأ كل نوتة مش حكينا مثلاً بنتذكر كنا نحكي بممممم مثلاً هاي هي ون تو ثري فور، هذا عم بطلع صوت، أو لو أخذنا السوداء كانت تعمل بم بم بم بم أو النص بمبمبمبم هلأ في لكل نوتة ما يساويها من السكتة يعني إذا زمنها واحد فرح يكون زمن السكتة واحد، يعني ما رح ألعب لمدة واحد أو رح يكون نص، هلأ نحنا يعني ممكن أطلع على الشاشة كل نونة وما يساويها من السكتة بس نحنا بدنا نتعامل مع السوداء وما يساويها من السكتة أو الإس اللي هي هلأ رح تطلع عندكم على الشاشة وذات السن وما يساويها من السكتة وهلأ رح يطلع عندكم على الشاشة، في هذا التمرين رح نركز كتير على مفهوم الإس أو السكتة كيف بنعد وكيف بنعزف وشو هو؟.

رح تطلع عندكم هلأ مزورات التمرين على الشاشة بنلاحظ إنه المفتاح هو أربعة على أربعة، اربعة أربعة، بنلاحظ إنه في المزورة الأولى عنا إس إس إس دُم كيف بدنا نعزفها؟

طبعاً ممكن إنه نعد كمان هاي المرة رح نعد شكلين ون تو ثري فور، ون أند تو أند ثري أند فور أند، طبعاً مستحسن إنكم يا إيما تبلشلوا العد ون أند تو أند ثري أند فور أند، يا إما ون تو ثري فور، نشكل هاي المرة غايات التمرين رح نشكل بين العدة هاي والعدة هاي ونشوف بالمزورة الأولى رح نلاقي عندي سكتة سكتة سكتة دُم يعني إس إس إس دُم بعديها المزورة الثانية إس دُم إس دُم رح تكون ون تو ثري فور، هلأ بالمزورة الثالثة عم بنشوف في عندي صار نوتت ذات السن أو ما يساويها من السكتة اللي هي زمنها نص يعني أسهلي لما يكون في عندي نص وزمني أربعة أربعة إني أعد أند ون أند تو أند ثري أند فور أند، لاحظنا عندي نص ونص واحد ونص ونص تنين وواحد ثلاثة واحد أربعة فصار عندي أربعة أربعة، النوتة المزورة اللي بعدها رح تكون ون أند تو أند ثري أند فور أند، تمام اللي بعدها ون أند تو أند ثري أند فور أند، والمزورة اللي بعدها رح تكون ون أند تو أند ثري أند فور أند،هلأ أول إشي بدي أعزف الكم إياها على المترونوم بعدين رح نحكي كمان شوي زيادة عن نوتت ال إس، هذا التمرين وزنه أو التايم سجنتشر أربعة على أربعة ورح نلعبه بسرعة خمسين ضربة في الدقيقة ورح يكون التقسيم أو عد الضربات بطريقة الأثمان يعني ون أند تو أند ثري أند فور أند، (يعزف الاستاذ نزار التمرين).

هيك نحنا عزفنا هذا التمرين على المترونوم خمسين ضربة في الدقيقة تايم سجنتشر أربعة على أربعة وطريقة العد ون أند تو أند ثري أند فور أند، لو بدنا نيجي نغير التايم سجنتشر أو المفتاح عشان نحس شوي بالفرق بين الأربعة أربعة مثلاً أو الأربعة ثمنية، رح يطلع مثلاً عندكم على الشاشة الجزء الثاني من هذا التمرين لو لاحظنا بهذا التمرين أو الجزء الثاني تغير عنا التايم سجنتشر أو الوزن صار عنا أربعة ثمنية، ولاحظوا صار عنا عدد الضربات صار عنا شوي أقل ليش؟ لأنه انا عندي زي ما حكينا من قبل وبرجع بعيد أربع ضربات من ذات السن في كل مزورة، بنشوف كيف يعني صار عندي السكتة اللي هي نص صار في بأول مزورة صار عندي واحد تنين ثلاثة أربعة، صار عندي أربع ضربات من ذات السن ، هون ما بحكي نص زائد نص زائد نص زائد نص يساوي تنين وأنا عندي برة مكتوب أربعة، لأ، أنا اللي تحت صار عندي ثمنية، فالنص هلأ بالنسبة النص بالنسبة للبرة صارت واحد، لأنه عم بستعمل أربعة من ذات السن في كل مرة أو في كل مزورة، يعني صار عندي نص نص نص نص يعني عندي أربع نصاص في كل مزورة اللي هو أصلاً مكتوب برة أربعة من ذات السن في كل بار أو مزورة، المزورة الثانية شوفوا شو صار عندي، صار عندي ال إس اللي زمنها واحد مع الدُم اللي زمنها واحد، يعني سوداء مع سوداء.

فشو صار عندي صاروا تنين، يعني صار نوتين مع إنهم سكروا لي البار، مع إني لو بدي أجمعهم هم تنين، يعني واحد زائد واحد يساوي تنين، بس هم قيمتهم بالنسبة للثمن اللي تحت بالتايم سجنتشر أو الوزن هم أربعة، لأنه عندي تنين كم نص فيهم؟ فيهم أربعة تمام. يعني صار عندي نص ونص اللي هي الأولى، ونص ونص اللي هي الثانية، فصار عندي أربعة من ثمنية، نيجي نشوف المزورة الثالثة، الثالثة مقسمة لذات السن مقسمة بين التك وبين السكتة، فرح يصير عندي أربعة من ذات السن في كل مزورة وآخر مزورة في عندي كمان أربعة من ذات السن في كل مزورة، هي المزورة الثانية هي اللي فيها شوي بدها استيعاب أو خدعة خلينا نحكي، لانه في عندي واحد وواحد، برجع بعيدها، المزورة الثانية عندي بطلع إس قيمتها واحد أو سكة قيمتها واحد، عندي دُم قيمتها واحد برضه، فصار عندي واحد زائد واحد يساوي تنين، تمام، بس أنا عم بطلع على الرقم اللي تحت في التايم سجنتشر او الوزن أربعة ثمنية، تمنية هاي عم تحكي لي إنا بدي أستعمل ذات السن في كل مزورة، فإذاً التنين فيها أربع نصاص، يعني إذا بدي أقسمهم لنصاص رح يعطوني، بنتذكر المسطرة التنين اللي قسمتها بتعطيني واحد، الواحد إذا قسمته بيعطيني نصين فأنا بالإس الأولى كان عندي واحد بالمسطرة قسمتها أعطتني نصين، بالدُم الثانية كان عندي واحد قسمته نصين صار عندي واحد تنين ثلاث أربع نصاص، رح نعزف أو نلعب كل مزورة بشكل منفرد بدون مترونوم أول إشي، نقراءها كيف رح تكون، المزورة الأولى رح تكون (يقرأ الأستاذ نزار التمرين قراءة إيقاعية).

تما يعني بتلاحظوا مرات بحكي الاند بصوت واطي يعني ون بحكيها بعقلي أو بقلبي عشان يكون موضوعها أسهل، لو بدنا نرجع مثلاً بطريقة ون تو ثري فور، رح تكون (يقرأ الأستاذ نزار التمرين قراءة إيقاعية) هلأ هذا التمرين بدنا نعزفه على المترونوم بسرعة خمسين ضربة في الدقيقة، بس تفوتوا على المترونوم إذا كنتوا بتستعملوا الموبايل أو الآيباد أو إشي تذكروا تغيروا التايم سجنتشر أربعة على ثمنية الصب ديفيجن أو العدة، خلينا نخليها بطريقة ون تو ثري فور والضربة رح تكون يعني بهذا الشكل، لاحظوا إنه بس غيرت، مع إنه خمسين ضربة في الدقيقة بس غيرت التايم سجنتشر صار أربعة على ثمنية أو الوزن صار عندي أربعة ثمنية مش أربعة أربعة صار أسرع لحاله، اسمعوا الفرق، نفس الإشي خمسين ضربة في الدقيقة بس التايم سجنتشر أو الوزن أربعة أربعة، خلينا نعده بطريقة فور(يقرأ الأستاذ نزار التمرين قراءة إيقاعية) لو بدنا نغير الزمن أو التايم سجنتشر أربعة ثمنية، ونخليه يعد واحد تنين ثلاث أربعة وبرضه نفس الإشي خمسين ضربة في الدقيقة، نشوف كيف رح يطلع، (يقرأ الأستاذ نزار التمرين قراءة إيقاعية) أسرع، لإنه مبدئياً هو بتعامل صار مع نوتة زمنها أصغر اللي هي نصاص لإنه إحنا صرنا نحكي أربعة من ذات السن في كل مزورة، خلينا نشوف كيف رح ينعزف، (يعزف الأستاذ نزار التمرين).

بهاي الطريقة إحنا عزفناه باستخدام المترونوم، ممكن يكون سريع عليكم ممكن لأ، بس دايماً كل ما نستعمل المترونوم خلينا نحط الأشياء اللي أنا بحكي لكم عنها أو الموجودة بالتمرين، التايم سجنتشر أربعة ثمنية، كم السرعة السرعة؟ خمسين ضربة ستين ضربة في الدقيقة وكيف عم بنعد طريقة واحد تنين ثلاثة أربعة، ولّا ون اند تو أند ثري أند فور أند، بهيك بتكون خلصت هاي الحصة من التمارين، تمرنوا عليها كتير منيح، اعملوا التمرين الإضافي اللي بطلع لكم على الشاشة وعيدوا عيدوا عيدوا، عبين ما تصيروا متكمنين من إنه تقرأوا بطريقة واحد تنين ثلاثة أربعة، ون اند تو أند ثري أند فور أند، هلأ إذا ما عندكم مترونوم حاولوا تعدوا إنتوا منكم وفيكم، يعني حاولوا تعدوا بطريقة ثابتة وإنتوا تحكوا أو إنتوا عم تعزفوا إحكوا العد هيك بكون عندكم التمرين جاهز خالص، هلأ بستناكم إنتوا تعزفوا بشوفكم الحصة اللي بعديها ويعطيكم العافية."